सिद्धनाथ रथोत्सवात अधिकार्‍यांनी जबाबदारीने कामे करावीत: प्रांताधिकारी जिरंगे

म्हसवड: सिद्धनाथ रथोत्सव शांततेत पार पाडण्यासाठी सर्व संबंधित खात्याच्या अधिकार्‍यांनी जबाबदारीने कामे करावीत असे आवाहन प्रांताधिकारी अश्विनी जिरंगे यांनी केले.
म्हसवड येथील श्रीसिध्दनाथ देवाची रथ यात्रा 27 रोजी होणार आहे, त्यानिमित्ताने सिध्दनाथ मंदिरात यात्रा समिती ची बैठक नुकतीच संपन्न झाली. यावेळी माणच्या तहसीलदार बी.एस.माने, मुख्य मानकरी अजितराव राजेमाने, जयराज राजेमाने,पृथ्वीराज राजेमाने,सालकरी दिलीप किर्तने, नगराध्यक्ष तुषार वीरकर,बाळासाहेब राजेमाने, धनाजी माने,युवराज सुर्यवंशी, आरोग्य अधिकारी डॉ.लक्ष्मण कोडलकर, बीडीओजी.डी.शेलार, एपीआय गणेश वाघमोडे, उप अभियंता आर.एस.इंगळे, प्रा.विश्वभंर बाबर, नगरसेवक धनाजी माने,नगर सेवक अकिल काझी, नगर सेवक विकास गोंजारी, आदी मानकरी व अधिकारी उपस्थित होते.
यावेळी प्रांताधिकारी अश्विनी जिरंगे यात्रा यशस्वीपणे पार पाडण्यासाठी करावयाच्या नियोजनासंदर्भात म्हणाल्या सिद्धनाथ रथोत्सव शांततेत पार पाडण्यासाठी सर्व संबंधित खात्याच्या अधिकार्‍यांनी विशेषता बांधकाम व आरोग्य विभाग आणि म्हसवड नगरपालिका यांनी जबाबदारीने कामे करावीत . संबंधित सर्व विभागांचा यासाठी समन्वय असणे गरजेचे असल्याचेही सांगण्यात आले. यावेळी यात्रा काळात कामचुकार पणा करणार्‍या कर्मचार्‍यावर करण्यात येईल, असा इशारा तहसीलदार बाई माने यांनी दिला आहे.
यावेळी पोलीस स्टेशन,आरोग्य विभाग, स्वच्छता विभाग, पाणीपुरवठा विभाग, वीज पारेषण विभाग, सार्वजनिक बांधकाम, जिल्हापरिषद विभाग, रथ मानकरी, ग्रामस्थ यांनी यात्रेसाठी नियोजन केले.
म्हसवड नगरपालिकेच्या पाणी पुरवठा विभागाच्या वतीने शहरात पाणी पुरवठा:- एकदिवसाआड पाणी पुरवठा करण्यात येणार आहे. पाणी पुरवठा टँकरद्वारे करण्यात येणार आहे. यात्रा पटांगणात नळ कनेक्शन देण्यात येणार आहेत.
वीज पुरवठा:- वीजेच्या तारांची तपासणी करण्यात येणार आहे. तसेच यात्रा काळात दहिवडी, पळशी, माळशिरस वीज पुरवठा केंद्रातून ऐनवेळी वीज पुरवठा करण्यात येणार आहे. यात्रा काळात चोवीस तास वीज पुरवठा करण्यात येणार असल्याचे वीज मंडळाच्या अधिकारी यांनी सांगितले. शहराच्या बाहेर पार्किंग व्यवस्था करण्यात येणार असून यात्रेच्या मुख्य दिवशी शहरात वाहने सोडली जाणार नाहीत.
पोलीस स्टेशनतर्फे टेहाळणी टावर उभारण्यात येणार असून 150 जादा पोलीस कर्मचारी तैनात करण्यात येणार आहेत, जादा 50 महिला पोलीस कर्मचारी मागणी म्हसवड पोलिसांनी केली आहे. स्वच्छता: शहरातील गटारे,रस्ता, रोज सफाई करण्यात येणार आहे, शहरात फॉगींग करण्यात येत असून निरजंतुकरण करण्यात येत आहे.शहरातील स्वच्छता गृहे स्वच्छ केली असून फिरत्या शौचालयाची सोय केली आहे. 20 फीरते शौचालय उपलब्ध करण्यात आली आहेत. शहरातील महत्वाच्या ठिकाणी ही शौचालये ठेवण्यात येणार आहेत.
म्हसवड प्राथमिक आरोग्य केंद्राने शहरात तीन आरोग्य पथके तयार करण्यात येणार आहेत. चार अम्बुलन्स तयार ठेवण्यात येणार आहेत.एक अम्बुलन्स रथापुढे ठेवण्यात येणार आहे. एक यात्रा पटांगणात एक ठेवण्यात येणार आहे. दोन फीरत्या ठेवण्यात येणार आहेत.13 ठिकाणी चे पाणी नमुने तपासणी करून घेतली. रिपोर्ट नॉर्मल आहेत. खासगी दवाखान्यात बेड जादा सुविधा देण्यात येणार आहे.वीरकर वाडी, खडकी, म्ह्सवड इंजबाव ,शिंगणापूर, शिरताव, पुळकोटी, या रस्त्यावर साईड पट्या त्वरित भरुन घेण्याचे आदेश यावेळी तहसीलदार यांनी दिले.
देवस्थान ट्रस्ट: लाईट चेक केली असून, जनरेटर सोय केली आहे,24 तास पाण्याची सोय केली आहे. नारळ फोडण्यासाठी स्वतंत्र सोय केली असून सांडपाणी बाहेर जाण्यासाठी व्यवस्था केली असल्याचे सांगितले. मंदिर परिसरात 4 दिवस पोलीस बंदोबस्त द्यावा, अशी मागणी केली आहे.
मानकर्‍यांना जादा प्रवेश पास देण्यात येऊ नयेत.अशी मागणी केली. माजी नगराध्यक्ष अजितराव राजेमाने, नगराध्यक्ष वीरकर, युवराज सुर्यवंशी, प्रा.विश्वभंर बाबर, सलीम पटेल, संतोष पिसे, सोमनाथ केवटे, अनिल लोखंडे, दिलीप किर्तने, दतात्रय व्हंकारे,सागर सरतापे यांनी चर्चेत भाग घेतला. प्रांताधिकारी अश्विनी जिरंगे, एपीआय गणेश वाघमोडे, बीडीओ शेलार यांनी मार्गदर्शन केले. शहरात सी.सी.टी.व्ही.कमेरे बसवून घेऊन शांततेत यात्रा पार पाडावी असे आवाहन प्रशासकीय यंत्रणे कडून केले आहे.