तन्मय कुंभार यास शुटींग स्पर्धेत सुवर्ण पदक

भुईंज : सातारा जिल्हयाचा सुपुत्र तन्मय सुविचार कुंभार याने भोपाळ, मध्यप्रदेश येथे झालेल्या एअरपिस्टल शुटींग स्पर्धेत महाराष्ट्र राज्याच्या संघातून सहभाग घेत सुवर्ण पदकाची कामगिरी बजावली आहे. यापूर्वी त्याने कोल्हापूर, बिहार व अन्य राज्यस्तरीय स्पर्धातून चमकदार कामगिरी केली आहे.
पाचवड (ता.वाई) येथील तिरंगा इंग्लिश मेडियम स्कुलच्या प्राचार्या वैशाली कुंभार यांचा तन्मय हा चिरंजीव असून तो शुटींगचा सराव कोल्हापूर, मुंबई व पुणे येथे करीत आहे. त्याच्या या कामगिरीचे कौतुक जिल्हाभरातून होत असून त्याचे मुळगाव बावडा (ता.खंडाळा) हे आहे.
लवकरच त्याचा पाचवड येथे तिरंगा इंग्लिश मेडियम स्कुलच्या प्रांगणात कौतुक सोहळा विविध क्रिडा संघटना व भुईंज प्रेस क्लब यांच्या वतीने होणार असल्याची माहिती पै.जयवंत पवाऱ, राहुल तांबोळी व जयवंत पिसाळ यांनी दिली. तर तन्मय याचे मिठाई देवून पाचवडचे सरपंचअर्चना विसापुरे, ़भुईंजच्या सरपंच पुष्पा भोसले़, सदस्या शैला पिसाळ यांनी अभिनंदन केल ेआहे.